ഇന്നെന്റെ ഏകാന്തതയ്ക്കൊപ്പം
കൂട്ടിരിക്കാനായിവള്(ന്)..?
നല്ല മഴയാണെന്നും,
വൈകുന്നേരങ്ങളില് മാനമിരുണ്ട്, മിന്നലിടികളാല് മുഖരിതം സന്ധ്യയും രാത്രിയും.
നേര്ത്ത തണുപ്പ്, മഴ പെയ്തതിനാല് പടരുന്നുണ്ട്; ഒരു ചൂട് തനുവിനെ കൊതിപ്പിച്ച് കൊണ്ട്..
വീടിനടുത്തുള്ള ഇലക്ട്രിക് സബ്സ്റ്റേഷനിലെ ഫ്ലൂറസെന്റ് വിളക്കുകള് കണ്തുറന്ന നേരമാകണം ചിത്രശലഭം കൂട് പൊട്ടിച്ച് പുറത്ത് വന്നത്..
മഴ അതിന്റെ ചിറകുകള് നനയ്ക്കാന് കൊതിച്ചിരുന്നോ?
അതോ മഴയെപ്പുണരാന് ആ ശലഭം കൊതിച്ചിരുന്നോ..?
എന്തോ, ഒരു ഇടിമിന്നലില് വൈദ്യുതി വിച്ഛേദിക്കപ്പെട്ടു.
എമര്ജന്സി ലാമ്പിന്റെ പ്രകാശമായിരിക്കാം ആ ശലഭത്തിനെ എന്റരികിലേക്ക് ആകര്ഷിച്ചത്..
ഇപ്പോള് എന്റെ വിരല്ത്തുമ്പിലുണ്ട് നറുപുഷ്പം പോലെ..
ഒരു നിശാസുരഭി പൂത്തുലഞ്ഞത് പോലെ..
എന്തേ, ഞാന് നിന്നെ ഇഷ്ടപ്പെടുകയാണൊ, ഈ രാത്രിയില്..
അറിയില്ലാ.. എനിക്കേതുമറിയില്ലാ..
അറിയാതെ എന്നില് ഏതോ ദു:ഖമുണരുന്നുണ്ട്..
ഹൃദയമിടിപ്പ് പോലെയാണ് നിനക്കും നിശാസുരഭിക്കും ആയുസ്സെന്നോര്ത്താണോ..?
വിടര്ന്നൊന്ന് സൂര്യനെക്കാണും മുമ്പേ കൊഴിയുന്നതെന്തേ..?
അറിയില്ലാ.. എനിക്കേതുമറിയില്ലാ..
അറിയില്ലാ.. എനിക്കേതുമറിയില്ലാ..
----------------------------------------------------------------------------
*ചിത്രം ഇന്ന് എന്റെ മൊബൈലില് എടുതത്..(Nokia N73)
**ചിത്രത്തില് ക്ലിക്ക് ചെയ്താല് വലുതായ് കാണാന് പറ്റും..
** *** **
